Հանցագործների հոգեբանական տիպերը. harmonia.am

Կարելի է առանձնացնել հանցագործների հետևյալ հոգեբանական տիպերը

Բռնացող հանցագործներին բնորոշ է վարքի իմպուլսիվությունը, ագրեսիվությունը, սոցիալական նորմերի հանդեպ անտարբերությունը: Նրանք տարբերվում են աֆեկտի կայունությամբ, սոցիալական միջավայրից մեկուսացվածությամբ:

Գողերը նման են վերոնշյալներին, սակայն, ավելի թույլ արտահայտված անձնային առանձնահատկություններով: Նրանք ավելի քիչ ագրեսիվ են, շփվող, ունեն որոշակի շրջանակ, բավականին հեշտ են կոնտակտ ստեղծում և ձգտում դրան: Ավելի քիչ են մտահոգվում նախկինում կատարած հանցագործությունների, ասոցիալ վարքի համար:

Բռնակալները տարբերվում են մարդկանց վրա գերիշխման ձգտմամբ, նրանց զգացմունքայնությունը շատ թույլ է զարգացած: Նրանց բնորոշ է տղամարդկայնության ցուցադրական ներկայացումը, մեկուսացվածությունը, ադապտացիայի անկարողությունը, ագրեսիվությունը:

Մարդասպանները սովորաբար իմպուլսիվ մարդիկ են: Եսասեր են, նրանց համար առաջնահերթ են միայն իրենց զգացմունքներն ու դիրքորոշումները: Մարդասիրություն, բարոյական արժեքներ ասվածը հեռու են նրանց պատկերացումներից: Նրանք սառնասիրտ են, կասկածամիտ, իմպուլսիվ և նյարդային:

Քիլլերները` վարձու մարդասպանները, սպանությանը վերաբերում են որպես աշխատանքի, մարդկային կյանքին էլ` որպես աշխատանքի ռեսուրսի: Զգացմունքայնությունը նրանց մոտ իսպառ բացակայում է, նրանք մանրակրկիտ ձևով նախապատրատվում են իրենց գործին, կյանքում շատ զգուշավոր են և հաշվենկատ:

Կին հանցագործների բնութագրիչ գիծը դեմոնստրատիվությունն է: Բռնացող հանցագործ կանայք նաև չափազանց իմպուլսիվ են:

Անզգույշ հանցագործներին բնորոշ է խոցելիությունը, նրանք հակված են ինքնաքննադատության և ինքնամեղադրանքի: Դրանով նրանք տարբերվում են նպատակաուղղված հանցագործություն կատարող անձանցից: Նրանց հատուկ է վտանգի դեպքում տագնապայնությունն ու սթրեսադիմացկունության բացակայությունը:

Հարցեր, պատասխաններ, մեկնաբանություններ